ENHANCED SSS PENSION LOAN PROGRAM (UPDATED 2020)

-


Lahat ng "SSS Retirement Pensioners" na makakatugon sa mga sumusunod na qualifying conditions ay maaaring mag apply sa PLP. 

A. Walumpu't limang (85) taong gulang o pababa bago matapos ang term ng loan.
(Paalala: Ang pinagsamang term ng loan at edad ng pensioner sa petsa ng aplikasyon ay hindi dapat lalagpas ng walumpu't limang (85) taong gulang)

B. Wala dapat ikinakaltas sa buwanang pensiyon gaya ng (outstanding loan balance, benefit overpayment payable to SSS, at iba pa);

C. Wala dapat advance pension sa kahit na anong SSS Calamity Assistance Package; at

D. Tumatanggap na dapat ng regular na monthly pension for at least 1 month at ang status ng pension ay "ACTIVE".
(Paalala: kung ang retiree pensioner ay nag avail ng 18 months advanced pension, dapat ay tumatanggap na siya ng monthly pension for at least 1month)

Ang maaaring maloan ay nakadepende sa buwanang pension o Basic Monthly Pension (BMP) kasama ang isang libong piso (P1,000.00) na karagdagang benepisyo, ngunit hindi kasama ang Dependent's Pension (kung mayroon.)

Ang pensioner na magloloan ay maaaring mamili ng halagang uutangin, ngunit hindi hihigit sa P200,000.00

Ang bayad sa pension loan ay ikakaltas sa buwanang pensiyon ng pensioner alinsunod sa payment term na nasa itaas na imahe.


Ang pension loan ay may 10% interest kada taon, o 0.83% kada buwan, na kinukwenta sa lumiliit na balanse sa termino ng utang at parte ng buwanang bayad.


May dalawang paraan para mag apply ng Pension Loan Program.

1. Mag-apply gamit ang iyong my.sss account sa online.
  •  magpunta sa  www.sss.gov.ph, piliin ang member portal at i-login ang iyong account.

  •  pagkalogin ay mapunta sa e-services at piliin ang apply for pension loan.
  •  Kung ikaw ay kwalipikado mamimili, ka ng maaaring i-loan na amount at payment term. Kung hindi naman ay lalabas ang rason kung bakit hindi ka kwalipikado gaya ng imahe sa baba.

2. Mag-apply nang personal sa kahit saang SSS office at isumite ang mga sumusunod:

  • Pinunuang Pension Loan Application Form
  • Social Security (SS) Card or Unified Multi-purpose Identification (UMID) card; o
  • ID card/dokumento na may lagda at litrato na mula sa ahensiya ng gobyerno at sumailalim sa biometric data capture process tulad ng, pero hindi limitado, sa mga sumusunod:
        -Alien Certificate of Registration 
        -Clearance mula sa National Bureau of Investigation
        -Driver's License
        -Firearm Registration o Permit to Carry Firearms Outside of Residence 
        -Postal Id Card 
        -Passport
        -Seafarer's Identification and Record Book
        -Voter's ID
      Kung wala ang ID card/dokumento na nakatala sa itaas, mag-prisinta at isumite ang kopya ng dalawang (2) iba pang ID card/dokumento na parehong may lagda at kahit isa na may litrato.
  • hintayin ang resulta na gagawin ng SSS counter personnel kung ang miyembro ba ay eligible o hindi.
  • kung ang miyembro ay eligible para mag-apply, papipiliin ito ng SSS counter personnel kung magkano ang gustong i-loan at kung anong payment term ang nais ng miyembro.
  • suriing mabuti ang mga impormasyon at mga detalye ng utang sa computer screen na ipapakita ng SSS counter personnel
  • kinakailangan ding magbigay ng Cash Card o Quick Card ng napiling bangko o i-enroll ang UMID card bilang ATM Card sa kiosk ng Union Bank of the Philippines sa branch (kung mayroon)
  • wag kakalimutang pirmahan ang mga sumusunod:  
          -Pension Loan Application and Disclosure Statement (tatlong kopya)
          -Photocopy ng balidong IDs (tatlong pirma)
          -Punuan at Pirmahan ang "Supplemental Info Sheet" at "Terms and Condiation" ng napiling bangko
  • Maghintay ng limang (5) working days mula sa pag-apruba ng pension loan bago i-withdraw ang pera sa cash card o UMID card

Ang aplikasyon ay ipu-proseso sa araw kung kailan nag-apply ang pensioner. Ang naaprubahang loan ay Iki-credit sa Cash Card o napiling bangko ng pensioner sa loob ng limang (5) araw mula sa araw ng aplikasyon.


Gaya ng salary loan ng mga SSS member, magsisimula din ang pagbabayad sa ikalawang buwan matapos maaprubahan ang pension loan. Halimvawa, kung naaprobahan ang pension loan sa buwan ng Septyembre
ang buwanang bayad ay ikakaltas sa pensiyon ng Disyembre.


Ang natitirang balanse sa pension loan ay hindi ikakaltas sa Funeral at Death Benefits na makukuha ng naiwang kamag-anak ng pumanaw na pensioner.

Ito ay magiging sakop ng Credit Life Insurance (CLI), na siyang nagseseguro na mabayaran ang utang ng biglaang pagkamatay ng pensioner.

Ang 1% na kabayaran sa service fee ay hindi na pababayaran ng SSS at sa halip, ito ay gagamitin bilang subsidiya sa pagbabayad ng CLI ng pensioner.


Maaari ulit mag-apply ng panibagong pension loan ang isang pensioner pagkatapos mabayaran ang bauuan ng kasalukuyang utang.


Hindi, ang pag-apply ng pension loan ay dapat gawin nang personal ng pensioner na obligadong pumirma sa "Pension Loan Application and Disclosure Statement". Kung sa online naman mag-apply, maaaring gabayan ng kamag-anak ang pensioner sa pag-apply ng pension loan.


  • Kung ang pensiyon ng Retirement Pensioner ay nakansela dahil siya ay bumalik sa pagtatrabaho o pagiging self-employed, ang balanse ng kanyang pension loan ay iko-convert bilang regular salary loan at papatawan ng mga kaukulang kundisyon bilang salary loan. Ang Retirement Pensioner ay may option din na bayaran ang balanse ng buo.
  • Kung ang pensiyon ay nasuspindi sa hindi pagtugon sa Annual Confirmation of Pensioner (ACOP), ang balanse ng pension loan ay ibabawas kapag nakatugon na siya sa ACOP at nagsimula na muli ang kanyang buwanang pensiyon. Walang ibabawas na penelaty charge dito.
  • Anumang kahilingan para sa re-adjudication o adjustment ng pension benefits ay tutugunan lamang matapos mabayaran ang nang buo ang pension loan.

Para sa mga karagdagang mga detalye, bumisita sa  SSS branches o sa SSS Website (www.sss.gov.ph)




  






 












Comments

Post a Comment

Popular posts from this blog

SSS Salary Loan Terms and Status

-
Image
Check Generated- Term sa SSS office na ang ibig sabihin ay may order na para pondohan ang Approved loan application mo. Check Date- Date kung kelan na generate ang checke or pondo ng loan mo. Disbursement Thru the Bank -E- (Encoded na or na i-enter na sa system ng SSS ang loan application mo) Disbursement Thru the Bank -Q- (Qualified na ang loan application mo) Disbursement Thru the Bank -G- (Granted or nailagay na sa atm account mo ang pera ) Maghintay lamang ng 7-10 Banking days. Ang disbursement ng Loan Proceeds ay nakadepende sa iyong bangko. Kapag naforward na ni SSS ang order na pondohan na ang account ng member ay ang bangko na ang may hawak ng proseso kung gaano ito katagal. Patience is a virtue nga! ugaliing maghintay at wag ikumpara ang application sa mga kaibigan o kakilala. Ayaw mo ba nun? yong loan nila ubos na, yong sayo paparating palang :)  Para sa mga karagdagang update, i-follow ang blog na to o magsubscribe sa aking youtube channel  https://www.youtube.co...
Read more

SSS Number Temporary to Permanent (3 STEPS na dapat gawin)

-
Image
download link: https://www.sss.gov.ph/sss/DownloadContent%3FfileName%3DSSSForms_Change_Request.pdf SSS Number Birth day Complete Name Complete Address Cellphone Number Pakicheck ang box ng letter "H" o UPDATING OF MEMBER RECORD STATUS from "TEMPORARY to PERMANENT" Pirmahan ang E-4 form sa pangalawang page nito. Paalala: kinakailangang mag fill-up si member ng dalawang kopya ng E-4 form. (ang isang kopya ay para sa member, ang isang kopya naman ay para sa SSS) Kinakailangan ding mag attache ng Birth certificate or 2 valid Ids para maging permanent ang SSS number. Eto ang mga IDs na tinatanggap ng SSS. Unexpired Driver's License Professional Regulation Commission (PRC) ID card Passport Postal ID School or Company ID Tax Identification Number (TIN) card Seaman's Book Membership card issued by private companies Overseas Worker Welfare Administration card Senior Citizens card Voter's Identification card/Affidavit/Certificate of Registration ATM card with card...
Read more

How to Apply UMID Card (Unified Multi-Purpose Identification Card)

-
Image
Ano nga ba ang UMID Card?   Unified Multi-purpose Identification Card o madalas na tinatawan na UMID CARD.Eto ay isang four-in-one identification card na maaaring magamit ng mga Filipino upang makipag-ugnayan sa mga ahensya ng gobyerno tulad ng Social Security System (SSS), Government Service Insurance System (GSIS), PhilHealth, at PAGIBIG. Ang UMID ay tinatanggap din bilang isang valid ID sa karamihan ng mga transaksyon. Hindi katulad ng pagkuha ng isang pasaporte, ang isang aplikasyon ng UMID card ay mas simple at madali kahit para sa mga katatapos sa kolehiyo na nagsisimula sa kanilang unang trabaho. Papaano mag-apply para makakuha ng UMID CARD? Sa ngayon, wala pang balita o kahit na anong update kung magkakaroon ng proseso upang makakuha ng UMID ID Card sa online. Hindi pinapayagan ang mga proxy o kinatawan sa pagkuha nito. Kailangan mong mag-apply ng personal sa anumang tanggapan ng SSS o GSIS. Kailangan personal kang mag-apply  upang makuha ang iyong larawan, digital na ...
Read more